اسلام آباد ۔ 6 مارچ (اے پی پی) حکومت تعلیمی اہدافءِ زورگ ءِ ھاترا سٹیک ہولڈرز ءَ گوں ھواری ءَ دراھیں کوشستاں کارمرز کنگ انت۔اے ھیالانی درشان بنجاہی وزیر تعلیم شفقت محمود ءَ 12می انٹر پراونشل منسٹرز کانفرنس ءِ پدا پریس کانفرنس ءَ گوں تران کنان ءَ کتگ انت۔آہاں گوشت کہ دراھیں صوبگ ءِ تعلیم ءِ وزیرانی کانفرنس لوٹارینگ بوھگ انت ،چار شمبے ءَ اسلام آباد ءِ تہ بوتگیں کانفرنس ءِ تہ سندھ ءِ ابید دراھیں صوبگانی نماھندگی ساڑی ات۔آہاں گوشت کہ تعلیم راجی معاملہ انت اے ھاترا کجام سیاست ءِ ابید اے کانفرنس ءِ تہ بھر زورگ بیت۔آہاں گوشت کہ مہ سندھ ءَ را 18می ترمیم ءِ تہ بدلی نہ کنگ ءِ سدکی داتگ بلے ایشی ءِ ابید سندھ ءَ تعلیمی کانفرنس ءِ تہ بھر نہ زوراتگ۔شفقت محمود ءَ گوشت کہ آں 16مارچ ءَ کراچی ءَ روگ انت ءُُ اے رندا دوبر سر وزیر سندھ ءُ وزیر تعلیم ءَ گوں گند ءُُ نند کن انت ءُُ کانفرنس ءِ تہ بھر نہ زورگ ءِ سرا گپ ءُُ تران کنگ بیت۔کانفرنس ءِ ھوالہ چہ آہاں گپ ءُُ تران کنان ءَ گوشت کہ آں ملک ءِ تہ یونیفارم ایجوکیشن کیلنڈر دیما آرگ انت پرچا کہ لہتیں یونیورسٹیز ءُُ بورڈز چکاس جتاھیں وھد ءَ برجم بوھگ انت۔مہ لوٹگ اوں کہ سرجمیں ملک ءِ تہ یونیفارم ایجو کیشن کیلنڈرزءِ ردا یکے وھد ءَ چکاس برجم دارگ بنت۔یکساں نظام تعلیم ءِ ھوالہ ءَ گپ ءُُ تران کنان ءَ آہاں گوشت کہ آں سرجمیں ملک ءِ تہ یک وڈیں نظام تعلیم نافذ کنگ لوٹگ انت اے ھاترا آہانی پرائیوٹ سکول ایسوسی ایشنز ءُُ وفاق المدارس ءِ واکداراں گوں گند ءُُ نند بوتگ ات۔ یکساں نصاب ءِ ھاترا راجی نصابی کمیٹی پیسر چہ ہڈ انت ایشی ءِ ھوار ٹینیکل کمیٹی ہڈ دیگ بوھگ انت۔آہاں گوشت کہ نوں سکولانی تہ ماڈرن ٹیکنالوجی ءَ را ھم وانینگ بیت ءُُ اسلامی وانگ جاھاں ھم اے نصاب وانینگ بیت۔آہاں گوشت کہ سکول چہ ڈن ءَ چکاں را انرول کنگ ءِ ھاترا مراگش اسلام آباد چہ بناکتگ ات ءُُ اپریل ءِ تہ خیبرپختونخوا اے ڈرائیو بنا کنگ انت۔ وزیر تعلیم شفقت محمود ءَ گوشت کہ مزن تکی تعلیمی جیڈھانی حل ءِ ھاترا دراھیں صوبگانی ہائر ایجوکیشن کمیشن ءِ کانفرنس برجمدارگ بیت ایشی ءِ تہ دراھیں جیڈھ آنی باروا گپ ءُُ تران کنگ بیت۔
