اسلام آباد۔ 6 مارچ (اے پی پی) صدر مملکت ڈاکٹر عارف علوی ءَ گوشت کہ حکومت ملک ءَ تجارت ءُُ صنعت ءِ پڑ ءَ استیں جیڈھ آنی بابت ءَ شر سرپد انت، تاجریں برات آناں جوانیں جاور پجارینگ ءَ توامیں گامگیج کنگ بوھگ ءَ انت، ملک ءَ دیمروئی ءُُ وشھالی ءِ واستہ سرکاری ءُُ جندی شوبگ ءَ نزیکیں کمک ءِ وسیلگ ءَ یکجائی ءَ کار کنگ لوٹ ایت۔ آ چار شمبے ءَ آل پاکستان ٹیکسٹائل ملز ایسوسی ایشن (اپٹما) ءِ ڈل ءَ گوں تران کنان ات۔ صدر ءِ مملکت ءَ ملک ءِ اقتصادی دیمروئی ءَ جندی شوبگ ھاسیں رنگ ءَ آل پاکستان ٹیکسٹائل ملز ایسوسی ایشن ءِ کرد ءَ را ساڑات۔ آئیءَ گوشت کہ توامیں شوبگ ءُُ ٹیکسٹائل ءِ شوبگ ءَ ھاسیں رنگ ءَ ویلیو ایڈیشن میاں اوستمانی مارکیٹ ءَ وتی جاھ ءَ جوڑ کنگ ءَ سک باز ارزشت دار ایت۔ اے موہ ءِ سر ءَ اپٹما ءِ ڈل ءَ صدر ءِ مملکت ءَ را گوشت کہ آیوکیں پنچ سال آنی تہ ءَ ٹیکسٹائل ءِ ڈن ءَ چہ سامان ءِ آرگ ءَ را دو سرئی کنگ گیشینتگ۔ صدر ءِ مملکت ءَ اے گپ ءِ سر ءَ زور پر دات کہ ڈن ءَ چہ آرگ ءِ تہ ءَ گیشی ءُُ تجارتی ءِ کمی استیں حکومت ءِ گامگیج جوانیں بھر ات۔ آئی ءَ گوشت کہ حکومت ملک ءِ اکنامک سٹرکچر ءَ را گہتر جوڑ کنگ ءُُ کاروبار کنگ ءَ کساس ءِ تہ ءَ کمک آرگ ءِ ھوالگ ءَ جزمیگ انت، حکومت ءَ زیرو ریٹڈ ڈن ءَ چہ آرگ ءِ شوبگ ءَ ھوار ٹیکسٹائل، لیدر، کارپٹس، آلات جراحی ءُُ لیب ءُُ گوازی ءِ ساز ءُُ سامان آنی تیاری ءِ وڑیں شوبگ ءِ واستہ گیس، آر ایل این جی ءُُ توان ءِ نیاد آنی رد ءَ جوڑ کتگ وھدیکہ سیلز ٹیکس ءِ بابت ءَ زیرو ریٹنگ ءِ کار رپک ءَ را سہرا کنگ بوتگ۔
