اسلام آباد۔ 6 مارچ (اے پی پی) حکومت وانگ ءُُ زانگی سیم سر آنی در جنگ ءِ واستہ سٹیک ھولڈر آنی گوما ھواری ءَ توامیں کوشست آناں کارمرد کنگ ءَ انت۔ اے ھیالانی درشانی آئی ءَ بنجاھی وزیر وانگ ءُُ زانگ شفقت محمود ءَ 12 دوہازدھمی انٹرپراونشل منسٹر کانفرنس ءَ چہ پد پریس کانفرنس ءَ گوں گشتانک دیگ ءَ ات۔ آئی ءَ گوشت کہ توامیں صوبگ آنی وزیر وانگ ءُُ زانگ ءِ کانفرنس کنگ بوھگ ءَ انت، چار شمبے ءَ اسلام آباد ءَ بوھوکیں کانفرنس ءَ سندھ ءَ ابید توامیں صوبگ آنی سروک ساڑی اتنت۔ آئی ءَ گوشت کہ وانگ ءُُ زانگ راجی جیڈھ ات ھمے ھاترا سیاست ءَ ابید اے کانفرنس ءَ بھر زوری لوٹ ایت۔ آئی ءَ گوشت کہ ما سندھ ءَ را ھژدھمی مٹ ءُُ بدلی کانود ءِ رد ءَ نہ کنگ ءِ دل یکیمی کتگ بلے ایشی ءَ ابید سندھ ءَ وانگ ءُُ زانگی کانفرنس ءَ بھر زوری نہ کتگ۔ شفقت محمود ءَ گوشت کہ آ 16مارچی ءَ کراچی ءَ روگ ءَ انت ءُُ اے رند ءَ دووارگ سندھ ءِ سر وزیر ءُُ وزیر ءِ وانگ ءُُ زانگ ءَ گوں گند ءُُ نند کنت انت ءُُ کانفرنس ءَ بھر زوری نہ کنگ ءِ بابت ءَ گپ ءُُ تران کنگ بیت۔ کانفرنس ءِ ھوالگ ءَ آئی ءَ تران کنان ءَ گوشت کہ آ ملک ءَ یونیفارم ایجوکیشن کیلنڈر سہرا کنگ لوٹ ایت چیا کہ جتا جتائیں یونیورسٹی ءُُ بورڈ آنی چکاس ءِ وھد جتا جتائیں وھد ءُُ پاس ءَ برجم دارگ بنت ما لوٹاں کہ سرجمیں ملک ءَ یونیفارم ایجوکیشن کیلنڈرز آنی چیر دستی ءَ یکیں وھد ءُُ پاس ءَ چکاس برجم دارگ بہ بنت۔ آئی ءَ گوشت کہ حکومت آیوکیں چار ءَ چہ پنچ سال آنی تہ ءَ وانگ ءُُ زانگ ءِ کساس 58درسد ءَ چہ 70درسد ءَ تاں برگ لوٹ ایت۔
