اسلام آباد۔ 06مارچ (اے پی پی) وزیر خارجہ شاہ محمود قریشی تون چارشنبے نادے آ جاپان نا وزیر خارجہ تاروکونو ٹیل فون آ رابطہ کرے۔ گپ و تران اٹی پاک بھارت بے چیٹی و ڈیہہ ٹی امن و ایمنی نا حالیت آتیا گپ و تران کننگا۔ ترجمان دفتر خارجہ نا رداٹ وزیر خارجہ شاہ محمود قریشی تینا جاپانی ہم منصب تون گپ و تران کرسا پارے کہ پاکستان امن نا داعی ءِ و ڈیہہ ٹی امن نا خواہندار ءِ۔ اوتینا ہم منصب ءِ ڈیہہ ٹی امن کن پاکستان نا کوشست آتیان معلومدار کرسا پارے کہ پاکستان زوت اسے ٹی تینا فیر ءِ پدی نئی دہلی آ گدریفنگ نا فیصلہ کرینے۔ دا چرجوئی ٹی 14مارچ آ پاکستانی ڈل کرتار پور راہداری نا معاہدہ غا پین گپ و تران کن بھارت آ کاہک وخت اس کہ پاکستان پاک بھارت ڈی جی ملٹری آپریشن آتا نیام اٹ رابطہ غاتے بحال کننگ نا ہم فیصلہ کرینے۔ جاپانی وزیر خارجہ پارے کہ پاکستان نا کنڈآن خیر سگالی نا جوزہ نا رداٹ بھارتی پائلٹ نا یلہ کننگ ستاکڑزک۔ اوپارے کہ پاکستان و بھارت ءِ غٹ معاملہ غاتیا پرامن وڑاٹ مذاکرات نا کمک اٹ بایدے ایسر کننگے۔ وزیر خارجہ شاہ محمود قریشی تینا جاپانی ہم منصب ءِ معلومدار کرے کہ او زوت جاپان نا دورہ نا ارادہ تخک۔
