راولپنڈی ۔ 6 مارچ (اے پی پی) پاک اُرد ءِ ترجمان میجر جنرل آصف غفور ءَ میاں اوستمانی میڈیا ءَ کشمیر ءِ جیڈھ ءَ را سہرا کنان ءَ گوشت کہ کشمیر ءِ جیڈھ ءِ گیواری پڑ ءِ ھاترا المی انت، پڑ ے کشاں چیل آنی تہ ءَ کمی ءِ واستہ کشمیر ءِ گیواری المی اِنت، پاکستان ءَ بھارتی پائلٹ ءَ یلو کنان ءَ مزن دلی ءِ درشان کتگ، بھارت کشاں چیل آنی الکاپ کنگ ءَ چے کنت انت۔ چار شمبے ءَ مقبوضہ کشمیر ءَ بھارتی لٹ ءُُ لٹ کاری ءِ بابت ءَ سی این این ءَ گوں تران کنان ءَ پاک اُرد ءِ شوبگ (آئی ایس پی آر) ءِ ڈائریکٹر جنرل میجر جنرل آصف غفور ءَ گوشت کہ مقبوضہ کشمیرر ءَ زالبول آں گوں ریپ، کشمیری آناں کور کنگ ءِ ھاترا پیلٹ گنز ءِ کارمردی کنگ ءَ انت، اگاں بھارتی ظلم ھمے رنگ ءَ جاڑی بہ بنت گڈا کشمیر ی آنی پسو المی انت، بھتامی بندی ءَ چہ گہتر انت کہ بھارت وتی کشک ءَ تچک بکنت۔ آئی ءَ گوشت کہ مقبوضہ کشمیر ءَ ظلم ءِ گپ منی نہ انت بلکینگ ءَ اقوام ءِ متحدہ ءِ رپوٹ انت، پڑ ءَ کشاں چیل آنی تہ ءَ کمی ءِ واستہ کشمیر ءِ جیڈھ ءِ گیواری المی انت۔ یک جستے ءِ پسو ءَ ڈی جی آئی ایس پی آر میجر جنرل آصف غفور ءَ گوشت کہ پاکستان ءَ بھارتی پائلٹ ءَ را یلو کنگ ءَ مزن دلی ءِ درشان کتگ۔ نوں بھارت ءِ سر ءَ انت کہ آ کشاں چیل ءَ کم کنگ ءِ واستہ چے کنگ ءَ انت۔ آئی ءَ گوشت کہ بھارت وتی سیت ءِ ھاترا پڑ ے ایمنی ءَ را ھراب کنگ ءَ انت۔
