اسلام آباد۔5مارچ(اے پی پی) تہی کارانی ملکی وزیر شہر یار خان آفریدی ءَ گشتگ کہ مفتی عبدالرؤف ءُ حماد اظہر ءَ ہوار بندش جتگیں تنظیم آنی 44انڈر ابزرویشن کارکن پہ جستءُ پرسءَ وتی گورءَ دارگ بوتگ اَنت۔ سے شمبے ءِ روچءَ تہی کارانی سیکرٹری میجر ریٹائرڈ اعظم سلیمان خانءِ ہمرائی ءَ پریس کانفرنس کتگءُ آئیءَ گشتگ کہ نیشنل ایکشن پلان ءِ ردءَ اے گامگیج چست کنگ بوتگ۔ دزگیر کتگیں مردماں چہ جستءُ پُرس کنگ بیت۔ آئیءَ گشتگ کہ نیشنل ایکشن پلان ءِ ردءَ کاروئی جاری بنت ۔ آئی ءَ گشتگ کہ پاکستانءِ سرڈگار کسے ءِ حلاپءَ کارمرز کنگ ءِ اجازت دیئگ نہ بیت۔ آئیءَ گشتگ کہ پاکستان وتی پائدگءَ بندش جتگیں تنظیم آنی حلاپ ءَ کاروائی کنگ ءَ اِنت ءُ پاکستانءِ سرءَ ایچ وڑیں زورءُ تنچگ نیست۔ اے پاکستانءِ وتی فیصلہ اِنت۔ بندش جتگیں تنظیم آنی حلاپءَ کاروائی تاں روچءَ جاڑی بیت۔ ما دزگیر بوتگیں مردماں چہ جست ءُ ُ پُرس کناں۔ تہی کارانی سیکرٹری میجر ریٹائرڈ اعظم سلیمان خانءَ گشتگ کہ نیشنل ایکشن پلان ءِ ہوالگءَ مزن تکءِ دیوان توار کنگ بوتگ کہ صوبائی حکومت آنی نمائدگ ہوار بوتگ اَنت۔ آئیءَ گشتگ کہ تنا یک یا دو تنظیم ءِ حلاپ نہ بلکیں درائیں بندش جتگیں گلانی حلاپءَ کاروائی کنگ بوہگءَ اِنت۔
