کنٹرول لائن ءَ گرم چشمہ سیکٹر نامی جاھے ءِ سر ءَ بھارتی اُرد آنی شہری آباتی ءِ سر ءَ کور ءُُ کائی تیر گواری ءِ پد ءَ شرافت نامی مردمے ٹپیگ
آئی ایس پی آر
راولپنڈی ۔ 5 مارچ (اے پی پی) گوستگیں 24 بیست ءُُ چار کلاک آنی ساھت ءَ لائن آف کنٹرول (ایل او سی) ءِ جاور ھال کمو جوان گندگ بوتگ اَنت، بھارتی اُرد آنی نیمگ ءَ سیز فائر لائن ءِ ھلاپ ءِ سبب ءَ گرم چشمہ سیکٹر ءَ شیر خان گاؤں ءِ سر ءَ تیر گواری ءِ سبب ءَ 26 سالی شرافت ولد عبدالقیوم ٹپیگ بوت، پاک اُرد ءَ وھد ءُُ موہ ءِ سر ءَ دپ پروشیں پسو ءِ دات۔ پاک اُرد ءِ شوبگ (آئی ایس پی آر) ءِ رد ءَ پاکستان ءِ زرّئی سیم سر آنی رکھینگ ءَ پاک بحریہ مھکمی ءَ اوشتاتگ، پاک بحریہ ءَ پاکستان ءِ زرباری سیم سر آنی نیمگ ءَ آیوکیں بھارتی آپ چیریں ’’آبدوز‘‘ آناں در گیتک ، پاک بحریہ سیم سر آنی رکھینگ ءُُ کشاں چیل ءَ گوں دیم پہ دیمی کنگ ءِ جوانیں ازم ءَ دار ایت، وھدیکہ بالی رکھینگ ءُُ نگرانی ءِ واستہ پاک فضائیہ ھم سرجمی ءَ مھکم ءُُ تیار انت۔
