سویلی پنجاب تون اوار غٹ پدسلوک آ علاقہ غاتا جوڑ جاڑ و شونداری حکومت نا اولیت آتے ٹی اوار ءِ
اسلام آباد۔ 05 مارچ (اے پی پی) وزیر خارجہ شاہ محمود قریشی پارینے کہ سویلی پنجاب تون اوار غٹ پدسلوک آ علاقہ غاتا جوڑ جاڑ و شونداری حکومت نا اولیت آتے ٹی اوار ءِ، داہیت ءِ او ملتان نا چندی یونین کونسل آتا نمائندہ غاتون گپ و تران کرسا پارے ہرافک سے شنبے نادے آ داڑے وزارت خارجہ ٹی اوڑتون اوڑدہی کریر۔ السی نمائندہ غاک وزیر خارجہ مخدوم شاہ محمود قریشی ءِ سرسہب سفارتکاری آ مبارکبادی تسر و پھل پیش کریر۔ وزیر خارجہ داوخت آ گپ و تران کرسا پارے کہ سویلی پنجاب تون اوار غٹ پدسلوک آ علاقہ غاتا جوڑ جاڑ و شونداری حکومت نا اولیت آتے ٹی اوار ءِ۔ اوپارے کہ سویلی پنجاب نا خلقت نامحرومی تا ازالہ ءِ کننگ کن عملی وڑاٹ کوشست کننگ اُن۔علاقائی نمائندہ غاک سویلی پنجاب نا جوڑ جاڑ و شونداری آ خصوصی چکار کننگ آ وزیر خارجہ نا خصوصی منت واری ءِ ہرفیر۔
