بنجائی وزیر ڈٹ بندی، شونداری و اصلاحات مخدوم خسرو بختیار نا ورلڈ بینک انا کنٹری ڈائریکٹر پاچا موتھو الانگو تون اوڑدہی ٹی گپ و تران

اسلام آباد۔ 05مارچ (اے پی پی) بنجائی وزیر ڈٹ بندی، شونداری و اصلاحات مخدوم خسرو بختیار پارینے کہ ساڑی حکومت غٹ علاقہ غاتا بریبر شونداری کن کوشست کننگ ءِ، ملک انا راجی و معاشی شونداری ٹی ورلڈ بینک اہم ءُ کڑد اس ادا کننگ ءِ۔ داخیال آتا درشانی ءِ او سے شنبے نادے آ داڑے ورلڈ بینک انا کنٹری ڈائریکٹر پاچا موتھوا لانگو تون اوڑدہی ٹی کرے۔ اوڑدہی ٹی بنجائی وزیر پارے کہ ملک انا راجی و معاشی شونداری ٹی ورلڈ بینک اہم ءُ کڑد اس ادا کننگ ءِ۔ حکومت ورلڈ بینک انا کمک اٹ جاری ڈٹ آتے وخت آ پورو کننگ کن پرعزم ءِ۔ اوپارے کہ ساڑی حکومت غٹ علاقہ غاتا بریبر شونداری کن کوشست کننگ ءِ۔ مخدوم خسرو بختیار پارے کہ ورلڈ بینک حکومت نا علاقائی بریبری شونداری نا کوشست آتے ٹی کمک کننگ کیک۔ اوڑدہی ٹی سیکرٹری پلاننگ، سیکرٹری اقتصادی امور ڈویژن و وزارت نا بڑزکو کمامدارآک ہم ساڑی ئسر۔