اسلام آباد۔ 05مارچ (اے پی پی) دفترخارجہ نا ترجمان محمد فیصل ملک اکن ہندو برادری نا خذمت آتا ستاکڑزنگ ءِ امنا کرسا پارینے کہ پاکستان اوفتے تینا شرفدار ءُ شاری سرپند کیک۔ سے شنبے نادے آ تینا ٹویٹ اٹی ترجمان پارے کہ پاکستان ءِ تینا قومی بیرک اٹی سوز رنگ آنبار پیہن آ رنگ آ ہم گمر ءِ ہرا ملک انا اقلیت آتا نمائندگی ءِ کیک۔ دفترخارجہ نا ترجمان دا بیان ءِ پنجاب نا اسہ صوبائی وزیر اسے نا ہندو برادری نا برخلاف نازیبا لوز آتیان پد جاری کرے۔ داکان مست بنجائی وزیر انسانی حق شیریں مزاری ہم اونا ترندی اٹ مذمت ءِ کرے و پارے کہ ہچ کس ءِ ایلو نا مذہب آ جلہو کننگ نا ہچ ءُ حق اس اف۔ ننا ہندوبرادری تینا ملک اکن قربانی تسنو۔ اوپارے کہ وزیراعظم عمران خان نا سگ و شرف نا کلہو ءِ مون آ تخسا ہچ وڑنا تعصب یا مذہبی خار انا موکل تننگ مفک۔
