اسلام آباد ۔ 4 مارچ (اے پی پی)بنجاہی وزیر دیمپانی پیداوار محترمہ زبیدہ جلال ءَ بلوچستان ءِ تہ انوگیں ھور ءَ چہ بوتگیں تباہی ءُُ مالی ءُُ جانی تاوان ءِ سرا جہلانکیں ڈکھ ءُُ اپسوز ءِ درشان کتگ۔دوشمبے ءَ وتی بیان ءِ تہ بنجاہی وزیر ءَ گوشت کہ بنجاہی ءُُ صوبائی حکومت اثرمندانی کمک ءُُ بحالی ءِ ھاترا ہرممکن کوشست کنگ انت۔ آہاں گوشت کہ این ڈی ایم اے ،پاک فوج ءُُ ایف سی ءِ کارندہ اثرمندانی کمک ءِ ھاترا سرگرم انت ءُُ لہتیں دمگانی رھوت کٹ بوھگ ءِ آسر ءَ گٹیں مردماں را بچائینگ بوھگ انت۔بنجاہی وزیر ءَ گوشت کہ مزن وزیر عمران خان ءَ سر وزیر بلوچستان جام کمال ءَ گوں رھوت کنان ءَ بنجاہی حکومت ءِ نیمگا چہ بلوچستان ءِ ھاترا ہرممکن کمک ءِ سدکی داتگ۔
