لاہور۔4 مارچ(اے پی پی )گور نر پنجاب چوہدری محمدسرورءَ گوشت کہ بھارتی جنگی جنون ءِ آسرءَ پلوامہ نیست ات بلکہ نریندر مودی ءِ الیکشن کٹگ ءِ منصوبگ انت،دگنیا ءِ سرا پدر بوتگ کہ بھارت خطہ ءِ تہ کشیدگی ءُُ جنگ وھدیکہ پاکستان امن ءَ لوٹگ انت،برطانوی ءُُ یورپی پارلیمنٹ ءِ 1400چہ گیش باسکاں را نمدی ءِ وسیلگ ءَ امن ءِ کلوھءُُ بھارت ءِ جنگی جنون ءَ چہ سرپد کتگ ‘بھارت بے گناہ کشمیریانی سرا وتی ریاستی ناشرکاری ءَ را چیر دیگ ءِ ھاترا پاکستان ءِ ھلاپ ءَ منفی پراپیگندہ کنگ انت بلے دگنیا ءِ تہ نوں بھارت ءِ راستیں ارادگ دیما آھگ انت ‘دژمن ءَ را سرجمیں پسو دیگ ءِ ھاترا دراھیں راج فوج ءِ ھواری ءَ اوشتاتگ انت ہمک دروشم ءَ ملک ءِ دفاع ءَ سدکی جوڈ کن ایت۔آں دوشمبے ءَ لاہور ءِ تہ پیر عنایت شاہ قادری ءِ دربار ءِ سرا چادر چیر دیگءُُ ملک ءُُ راج ءِ ھاترا دعا لوٹگ ءِ پدا میڈیا ءَ گوں گپ ءُُ تران کنگ انت وھدیکہ اے درگت ءَ سیکرٹری اوقاف ذوالفقار گھمن‘ڈی جی اوقاف سید طاہر حسین بخاری‘تحر یک انصاف ءِ باسک حامد معراج ءُُ سلمان شعیب ءِ ھوار دگہ ھم ساڑی اتنت۔آہاں گوشت کہ مزن وزیر عمران خان ءَ بھارت ءَ را ہمہ کہ امن ءِ کلوھ داتگ ایشی ءِ پدا سرجمیں دگنیا ءَ پدر بوتگ کہ پاکستان امن ءَ لوٹگ انتءُُ اے ھاترا پاکستان ءَ بھارت ءِ پائلٹ ءَ را ھم یلہ دات انڈیا ءِ ھوالہ ءَ کتگ ءُُ بھارت ءَ را گپ ءُُ گالوار ءِ وسیلگ ءَ جیڈھ ءَ را حل کنگ ءِ دعوت داتگ۔
