اسلام آباد۔ 04 مارچ (اے پی پی) وزیر خارجہ مخدوم شاہ محمود قریشی پارینے کہ دنیا غا پیدوار مسنے کہ پاکستان ڈیہہ ٹی امن نا داعی ءِ۔ او دوشنبے نادے آ وزارت خارجہ ٹی اہم سلابتی دیوان نا کماشی ءِ کریکہ ۔ دیوان اٹی سیکرٹری خارجہ تہمینہ جنجوعہ، مسکوہی سیکرٹریز خارجہ، سفیر آک و وزارت خارجہ نا بڑزکو کمامدارآک ساڑی ئسر۔ دیوان اٹی پاک۔بھارت بے چیٹی تتون اوار اہم سفارتی معاملہ غاتیا گپ و تران کننگا۔ داوخت آ وزیر خارجہ پارے کہ دنیا غا پیدوار مسنے کہ پاکستان ڈیہہ ٹی امن نا داعی ءِ، نن مقبوضہ جموں و کشمیر اٹی جاری بھارتی بیدادی نا برخلاف او آئی سی نا قرارداد نا ستاءِ کینہ۔ دیوان اٹی بشخ ہلوک آک گچین سفارتکاری آ وزیر خارجہ ءِ مبارکبادی پیش کریر۔ دیوان اٹی گچین حکمت عملی کن سلابتی دیوان آتا چرجوئی ءِ پدریسہ برجاتخنگ آ امنا کننگا۔
