اسلام آباد۔ 04مارچ (اے پی پی) پاک فضائیہ نا سروک ایئر چیف مارشل مجاہد انور پارینے کہ مشکل وخت داسکان چٹتنے، ننے داسہ ہم دشمن نا کنڈآن ہر جارحیت نا پبی ورندی ءِ تننگ کن ہروخت تیار سلوئی مریک۔ ترجمان پاک فضائیہ نا رداٹ پاک فضائیہ نا سروک ایئر چیف مارشل مجاہد انور خان دوشنبے نادے آ پاک فضائیہ نا فارورڈ آپریٹنگ بیس آتا دورہ ءِ کرے۔ اودا بیس آتیا مروک بازوں ، ایئر ڈیفنس ، انجینئرنگ و سیکورٹی آ سلوک عملہ تون اوڑدہی ہم کرے۔ عملہ تون گپ و تران کرسا ایئر چیف دشمن نا برخلاف ساڑی آ چاگڑدی سرسہبی ٹی عملہ نا حوصلہ و کسبی مہارت نا ستاءِ کرے۔ اوپارے کہ دشمن تون ساڑی آ بے چیٹی تیٹی لمہ وطن نا سالمیت و دفاع نا فرض ءِ جوان وڑاٹ انجام تننگ آ مچ آ قوم پاک فضائیہ غا ناز ءِ، نن خدائے ذوالجلال نا حضور سجدہ ٹی اُن ہراننے دا طاقت ءِ تس کہ نن تینا قوم انا اومیت آتیا پبی وڑاٹ پورو سلنگ کین۔
