اسلام آباد۔ 04مارچ (اے پی پی) وزیراعظم عمران خان پارینے کہ ای تینے امن نا نوبل انعام نا حقدار سرپند کپرہ، کشمیر نا ویل ءِ السی است خواہی تا رداٹ ایسر کروک آ ہی امن نا نوبل انعام نا حقدار مریک۔ دوشنبے نادے آ تینا ٹویٹ اٹی اوپارے کہ ای تینے امن نا نوبل انعام نا حقدار سرپند کپرہ، دا انعام نا حقی حقدار ہمو مریک ہرا کشمیر نا ویل ءِ کشمیری الس نا است خواہی تا رداٹ ایسر کرسا برصغیر اٹی امن و انسانی شونداری نا کسر ءِ آوار کیک۔
