اسلام آباد۔ 04مارچ (اے پی پی) وزیراعظم عمران خان واپار و زرکاری ءِ خارجہ پالیسی نا اہم ءُ تمبہ اس گوندسا پارینے کہ اقتدار نا اولیکو شش تُو اٹی معاشی سوگوی نا بے کچ سخت انگا چیلنج آتون مون تننگ آن پد داسہ معاشی نمو نا مون آ دننگ آ چکار ءِ، ملک انا معیشت نا بابت جہانی برادری ٹی مثبت جوزہ ءِ ہرافتیان فائدہ ہرفنگ نا گرج ءِ۔ اوداہیت ءِ دوشنبے نادے آ کاروباری برادری نا راہشون آتون گپ وتران کرسا پارے۔ اوڑدہی کروک آ ڈل اٹی صدر اوورسیز انویسٹر چیمبر شازیہ سید، چیئرمین پاکستان بزنس کونسل سید یاور علی ، منیجنگ ڈائریکٹر پاکستان اسٹاک ایکسچینج رچرڈ مورن ، چیئرمین پاکستان اسٹاک ایکسچینج سلیمان مہدی ، صدر نا سی سی آئی جنید اسماعیل مکدار، صدر لاہور چیمبر الماس حیدر، چیئرمین ایپٹما سید علی احسن، صدر ایف پی سی سی آئی انجینئر ڈارو خان اچکزئی، صدر سیالکوٹ چیمبر خواجہ مسعود اختر و نمائندہ پاکستان بینک ایسوسی ایشن اوار ئسر۔ وزیراعظم پارے کہ حکومت خراج تفروک آتے خراج تننگ کن اتنگ و غیر رسمی بشخ آتے دستاویزی معیشت اٹ اوار کننگ نا است بڈی ءِ کننگ کن اسہ جامع ءُ ڈٹ اسے آ کاریم کننگ ءِ۔ وزیراعظم کاروباری شخصیت آتے تینا سلاہ و سلاہ و سوج آتے پیش کننگ نا سلہ خلک۔ کاروباری راہشونک حکومت نا پالیسی و کاروباراٹی آسانی ودی کننگ نا بابت گام گیج آتیا پورو پت انا درشانی ءِ کریر۔ اوآئی سی سی آئی نا صدر وزیراعظم ءِ جہانی زرکاری کانفرنس نا اڈتننگ نا ڈٹ آتا بارواٹ ہم معلومدار کرے ہراڑان جہانی برادری نا مون پہ مون پاکستان نا اقتصادی لائخی تالان مریک۔ داوخت آ وزیر خزانہ اسد عمر، وزیر ڈٹ بندی مخدوم خسرو بختیار، وزیر توانائی عمر ایوب خان ، سلاہکار وزیراعظم عبدالرزاق داؤد، ڈاکٹر عشرت حسین، چیئرمین بورڈ آف انویسٹمنٹ ہارون شریف ئسک ہم اوڑدہی ٹی ساڑی ئسر۔
