بنجائی وزیر امور کشمیر علی امین گنڈاپور نا ہٹیاں بالا ٹی کنٹرول لین زہمی کیمپ و میڈیکل کیمپ انا دورہ، زہمی تے بے نظیر انکم سپورٹ کارڈ و انصاف جان جوڑی کارڈ تننگ، مالی نسخان آتا ازالہ، ایل او سی نا خڑک روڈ آتا بحالی اولیتی بنداو تیا کننگ نا پڑو

اسلام آباد۔ 04مارچ (اے پی پی) بنجائی وزیر امور کشمیر علی امین گنڈاپور دوشنبے نادے آ ہٹیاں بالا ٹی کنٹرول لین زہمی کیمپ انا دورہ ءِ کرے۔ داوخت آ او پارے کہ حکومت زہمی تا پورو کمک ءِ کیک، ایل او سی نا غٹ زہمی تے بے نظیر انکم سپورٹ کارڈ تننگک۔ علی امین گنڈاپور پارے کہ حکومت ایل او سی آ رہینگوک آ خاہوت آتے انصاف جان جوڑی کارڈ ہم فراوان کیک۔ بنجائی وزیر زہمی تے کن جوڑ کروک میڈیکل کیمپ انا ہم دورہ ءِ کرے۔ اوپارے کہ کیمپ اٹی زہمی تے غٹ طبی آسراتی تننگ انگ ءِ۔ علی امین گنڈاپور کمامدارآتے زہمی تے پین گچین طبی آسراتی تننگ نا پارت کرے۔ اوپارے کہ بنجائی حکومت زہمی تا غٹ مالی نسخان تا ازالہ ءِ کیک۔ اوپارے کہ ایل او سی نا خڑک ساڑی روڈ آتا بحالی ءِ اولیتی بنداو تیا کننگک۔