اسلام آباد۔ 3 مارچ (اے پی پی)پاک فوج ءِ لس سیادیانی تک (آئی ایس پی آر) لائن آف کنٹرول (ایل او سی)سرا گوستگیں 24کلاکانی جاورھال ءِ بابت ءَ سرپد کنان ءَ گوشت کہ یکم ءُُ 2مارچ 2019ءِ نیامی شپ ءَ ترندیں تیرکاری ءِ مٹ ءُُ سٹ ءِ پدا ایل او سی ءِ سرا جاورھال گہتر بوتگ انت،بلے گوستگیں شپ ءَ ایل او سی سرا نیزہ پیر، جنڈروٹ ءُُ باغ سیکٹرز ءِ تہ تیرکاری ءِ لہتیں واکیہ دیما اتکگ انت۔ پاک فوجءِ دستہ ءَ بھارتی چیک پوسٹاں را نشانگ جوڈ کنان ءَ بھارتی تیرکاری ءِ گہتریں پسو داتگ۔آئی ایس پی آرءِ گوشگ ءِ ردا گوستگیں 24کلاکانی تہ ہچ جانی تاوان مہ بوتگ۔پاک فوج سرجمیں وڈ ءَ الرٹ انت ءُُ یکشلہ سیمسرانی نگہوانی ءَ کنگ انت۔دومی نیمگا حوالدار عبدالرب شہید ءِ نماز جنازگ آہانی پت ءُ پیروکی دمگ ڈیرہ غازی خان ءِ تہ وانگ بوتگ۔
