اسلام آباد۔ 3 مارچ (اے پی پی) قطر ءِ امیرشیخ تمیم بن حمادالثانی ءَ جیڈھ ءُُ جنجال ءِ تہ کمی ءِ ھاترا بھارتی پائلٹ ءِ یلہ دیگ ءِ پاکستان ءِ پیسلہ ءَ را ساڑاتگ۔دری کارانی کارگس ءِ ربالکار ءَ یک شمبے ءَ ادا چہ جاڑی بیان ءِ تہ گوشت کہ مزن وزیر عمران خان ءَ گوں قطر ءِ امیر شیخ تمیم بن حماد الثانی ءَ گوانکو ءِ سرا گپ ءُُ تران کتگ۔گپ ءُُ تران ءِ ساعت ءَ شیخ تمیم بن حماد الثانی ءَ جیڈھ ءُُ جنجال ءِ تہ کمی ءِ ھاترا پاکستان ءِ نیمگا چہ بھارتی پائلٹ ءُُ جنگی بندی ونگ کمانڈر ابھی نندن ءِ یلہ دیگ ءِ پیسلہ ءَ را ساڑاتگ۔امیر قطر ءَ پاکستان ءُُ بھارتءِ میان ءَ جیڈھ ءِ تہ کمی ءِ سرا زور داتگ،اے ھوالہ ءَ قطر ءَ وتی کمک ءِ پیشکش کتگ۔قطر ءِ سرکاری خبررساں ایجنسی ءِ گوشگ ءِ ردا دوئیں راھشوناں ھاسیں دمگی ءُُ میاں اوستمانی کارانی سرا ھاسکر پاکستان ءُُ بھارتءِ میان ءَ جیڈھ ءِ سرا ھیال ریچی کتگ۔
