اسلام آباد۔ 2 مارچ (اے پی پی) بنجاہی وزیر برائے جندکاری ءُُ شہری گوات بازی محمد میاں سومرو ءَ گوشت کہ راجی ایئرلین پی آئی اے ءَ ملک ءِ چار مزنیں بالی پٹ چہ گواتی آپریشن بناء کتگ ات ، کراچی، اسلام آباد ، پشاور ءُُ کوئٹہ چہ فلائیٹ آھگ ءُُ روگ انت۔ھپتگ ءَ ادا چہ جاڑی بیان ءِ تہ آہاں گوشت کہ مزن وزیر عمران خان ءَ پی آئی اے ءَ در ملکاں گٹیں پاکستانیاں را زوتاں زوت واتر کنگ ءِ ھاترا چیف یگزیکٹو آفیسر ایئر مارشل ارشد ملک ءَ را کڈنی داتگ انت۔آہاں گوشت کہ سعودی عرب ءُُ خلیجی ملکاں چہ مسافران را آرگ بیت، عمرہ زائرین ءُُ خلیجی ملک ہماہانی ویزہ ءِ وھد ھلاس بوھگ انت آہاں را ترجیع دیگ بوھگ انت۔آہاں گوشت کہ تنیگہ پنچ ہزار ءَ چہ گیش مسافراں را وطن ءَ سر کتگ انت۔بنجاہی وزیر ءَ گوشت کہ پی آئی اے ءِ آپریشنل کارندھانی موکل رد کتگ ات ءُُ پی آئی اے ءِ مسافرانی ہمگرنچیں تک یکشلہ مسافرانی راہنمائی ءَ دزگٹ انتءُُ پی آئی اے ءِ چیف ایگزیکٹو آفیسر ایئر مارشل ارشد ملک آپریشن ءِ نگہوانی ءَ کنگ انت۔
