راولپنڈی۔ 02 مارچ (اے پی پی) کنٹرول لائن ءِ سرا بھارتی فوج ءِ شہری آبادی سرا تیرکاری ءِ آسرءَ دوشہری شہید بوتگ ات ءُُ دو ٹپی بوتگ ات۔ پاک فوج ءَ بھارتی پوسٹ ءَ را نشان جوڈ کنان دیم پروشیں پسو داتگ،پاک فضائیہ ءُُ پاک بحریہ یکشلہ الرٹ انت۔پاک فوج ءِ لس سیادیانی تک (آئی ایس پی آر)ءِ گوشگ ءِ ردا 24کلاکانی تہ بھارتی فوج ءَ کنٹرول لین ءِ سرا تیرکاری کتگ۔ہاٹ سپرنگ، تتہ پانی ءُُ جندروٹ سیکٹر ءِ تہ تیرکاری ءِ مٹ ءُُ سٹ ءِ ساعت ءَ بھارتی فوج ءَ شہری آباتی ءَ را نشانگ کتگ۔بھارتی تیرکاری ءِ آسرءَ دوشہری بیران ءُُ زالبولے ھوار دومردم ٹپی بوتگ ات۔ٹپیگیں مردماں را کوٹلی نادراھ جاھ ءَ دیم داتگ ات۔پاک فوج ءَ بھارتی بنجلانی سرا تیرکاری کنان ءَ دیم پروشیں پسو داتگ ۔پاک پوج یکشلہ الرٹ انت۔
