اسلام آباد۔ 2 مارچ (اے پی پی) مزن وزیر عمران خان ءَ گوشت کہ چاگرد دوستیں ءُُ تعمیرات ءِ میاں اوستمانی تبک ءِ ردا شہرانی جوڈ کنگ وژن ءِ بھر انت،میاں اوستمانی اسٹینڈرڈ ءِ ردا جوڈ جاڑی ءِ ھاترا کانود جوڈ کنگ بوھگ انت۔ھپتگ ءَ چاگردی ویب سائٹ ٹوئٹر ءِ سرا جاڑی بیوکیں یک کلوھ ءِ تہ گوشت کہ باندات ءَ شہرانی باروا منی یک وژنے انت ،منی وژن ایش انت کہ شہرانی تہ مزنیں ماڑیانی جوڈ کنگ ءِ اجازت بیت،آہاں گوشت کہ مزنیں ماڑیانی دیما سبزیں جاھ ءِ ھاترا گیشتر جاھ ایر کنگ بیت۔مزن وزیر ءَ گوشت کہ پاکستان چاگردی آلودگی چہ اثرمند بیوکیں ملکانی تہ ھوار انت۔پراھیں دمگاں تعمیرات مہ کنگ ءَ چہ مردماں را آسراتی رسیت۔آہاں گوشت کہ ہاوسنگ سوسائیٹیز ءِ آسرءَ مئے کشت ءِ ڈگار ھلاس بوھگ انت ءُُ کشت ءُُ کشاری ءِ ڈگار ءِ ھلاس بوھگ ءِ سبب ءَ چہ مئے وردنی رکھگ ءَ را باندات ءِ تہ سکیں آسرانی دیمپانی بیت۔ آہاں گوشت کہ سیفٹی ءِ انٹرنیشنل اسٹینڈرڈ ءِ ردا تعمیرات ءِ ھاترا کانود جوڈ کنگ بوھگ انت۔
