اسلام آباد۔یکم مارچ (اے پی پی) پاکستان اسلامی ملک آنی کمک تنظیم ( او آئی سی ) ءِ دری کارانی وزیر آنی کونسل ءِ بنگیجی دیوان ءَ بھارتءَ را لوٹگ ءِ سرءَ زھرشانی کنتءُ ہوار نہ بیت۔ او آئی سی ءِ 46می دیوان یکم تا2مارچ ابوظہبی ءَ بوہگءَ اِنت، بھارت ءَ را بنگیجی دیوانءَ لوٹگ بوتگ ۔ جمعہ ءِ روچءَ دری کارانی کارگسءِ نیمگءَ چہ جاری یک بیانے ءِ ردءَ بھارت یک انچیں ملک اِت کہ گوں پاکستانءَ آئیءِ کستءُ کینگ اَستءُ ایشی ءَ ابید بھارت مقبوضہ جموں و کشمیر ءِ اُلس ءِ حقاں لگت مال کنگءَ اِنت۔ مقبوضہ جموں کشمیرءِ ہوالگءَ بوتگیں تپاک نامہ آئیءَ نہ من اِتگ۔ دری کارانی کارگسءَ گشتگ کہ پاکستان سرپد بیت کہ اے وڑیں ملک اے دیوان ءَ ہوار بوہگءِ کانودیءُ اخلاقی حق نہ داریت۔ پاکستانءِ نیمگءَ چہ اے ہوالگءَ ترندیں زارشانی کنگ بوتگ۔ اے جاورحالاں پاکستانی دری کارانی وزیر او آئی سی کونسل ءَ ہوار نہ بیت۔
