اسلام آباد۔یکم مارچ(اے پی پی) مزن وزیر عمران خانءَ گشتگ کہ نیزگاری ءَ را ہلاس کنگ ءُ چاگردءِ پلا حءُ گہبود ی منصوبہ ءَ چہ پاکستان ءِ اُلسءَ را وش حال کنگ مے حکومت ءِ مولءُ مراد اِنت ۔ بلے بھارتی جنگی گنوکی ءَ چہ خطہ بیم ءِ آماچ اِنت۔ آئیءَ اے گپ اردن ءِ شاہ عبداللہ دوئم ءَ گوں گوانکوءِ سرءَ گپءُ تران کنانءَ کتگ کہ آئیءَ جمعہ ءِ روچءَ مزن وزیر ءَ ر اٹیلی فون کتگءُ پاکستانءُ بھارتءِ نیامءَ گیش بوتگیں کستءُ کینگءِ سرءَ تکانسریءِ درشانی کتگ۔ آئیءَ مزن وزیرءَ را اے گرانیں وہدءَ سگءُ اوپار کنگءِ سرءَ مراد بات داتگ۔ آئیءَ ثالث جوڑ بوہگءِ پاکستانءَ را صلہ جتگ۔ مزن وزیر عمران خان ءَ ثالثی کرد پیلو کنگءِ صلہ ءِ درءَ شاہ عبداللہ ءِ شگرءُ منت گپتگ۔ آئیءَ شاہ عبداللہ دوئم ءَ را پاکستان ءِ ترءُ تاب کنگءِ دعوت ہم داتگ۔
