اسلام آباد۔یکم مارچ (اے پی پی) حالءُ احیوال کاری ءُ شنگکاری ءِ بجاہی وزیر چوہدری فواد حسین ءِ ریڈیو ایس بی ایس پنجاپی ( آسٹریلیا) ءَ گوں گپءُ تران کتگءُ گشتگ کہ پاکستان بھارت کشءُ چیل ءَ گیش نقصان پنجاپی ءُ کشمیری آنی بوتگ، ما سے جنگ پیسرءَ ہم کتگ، جنگ پہ کسءَ فائدگ مند نہ اِنت، ،’’جت بھلیکھاہاربھلیکھا’’، جنگءَ پائدگ نیست بلکیں نقصان اِنت، جیڑہ گوں گندگءُ سول ءُ تران ءَ گیشءُ گیوار بنت بلے نریندر مودی ءَ را تنا وتی سیاستءُ گچین کاری ءِ پروا اِنت، اے وہدءَ میاں اوستمانی براتی پاکستانءَ نہ بھارتءَ تنچگءَ اِنت، دنیا بھارتءَ را جنگ ءُ جدلءَ ہلاس کنگءِ زور پر دیئگءَ اِنت، سکیورٹی ءِ ردءَ سمجھوتہ ایکسپریس بند کنگ بوتگ، زوت بحا ل کنگ بیت۔ آ جمعہ ءِ روچءَ ریڈیو ایس بی ایس پنجاپی( آسٹریلیا) ءَ گوں گپ ءُ تران کنگءَ بوتگ۔ حال ءُ احیوالکاریءُ شنگکاری ءِ بنجاہی وزیر چوہدری فواد حسینءَ گشتگ کہ ما ناشرکاری ءِ سرءَ ہم گپ کناں۔ مے ملک ءَ جنگءِ ایچ وڑیں چاگرد نیست، ما ملکی معیشت ءِ مھکم کنگءَ دلگوشی کنگءَ اَنت۔ آئیءَ گشتگ کہ بھارتی میڈیا پاکستانءَ را بھنام کنگءَ اِنت، بلے مے میڈیا امنءُ ایمنی ءِ کلوہءَ دیئگءَ اِنت۔
