اسلام آباد۔یکم مارچ(اے پی پی) تہی کارانی ملکی وزیر شہریار خان ءَ اُمیت درشان کتگ کہ مزن وزیر عمران خانءِ نیمگءَ چہ بھارتی دزگیر بوتگیں پائلٹ ءِ یل کنگءَ چہ پاکستانءُ بھارت ءِ ناگیگیں جاورھالانی سرءَ جوانیں اثر کپیت۔ یک نجی ٹی وی چینل ءَ گوں گپءُ تران کنانءَ آئیءَ گشتگ کہ اے نازرکیں جاورھالا مزن وزیر عمران خان ءِ دزگیر بوتگیں بھارتی پائلٹ ءَ را یل کنگءِ جارءَ چہ دوئیں ملک امنءُ ایمنی ءِ نیمگءَ ر ؤگءَ یک ہاسیں گامگیج اِت۔ بھارتی ایئرفورسءِ پاکستانی بالی سیمسرانی حلاف ورزی ءَ پد ودی بوتگیں ناگیگیں جاورحالانی سرءَ حیالءُ لیکہ ءِ درشانی کنانءَ آئیءَ گشتگ کہ مزن گس ءِ یکجائی دیوانءَ میاں اوستمانی براتی ءَ یک جوانیں راستیں کلوہے داتگ کہ ماتیں وطن ءِ دیمپانی کنگءَ سرجمیں راج یکجاہ اِنت۔
