اسلام آباد۔ 01مارچ (اے پی پی) مسکوہی صدر و باسک قومی اسمبلی آصف علی زرداری پارینے کہ نن جوزہ ہی ءُ قوم اسے اُن و جوزہ غاتے اٹ سجفنہ ، جنگ بیرہ فوج آخا قوم کیک، گچین کاری کن مودی نا مہم جوئی بیک فائر مریک، دا اللہ نا کرم ءِ، بھارتی پائلٹ نا یلہ کننگ نا فیصلہ نا ستاءِ کیوہ، دا سافٹ ڈپلومیسی وخت انا گرج ءِ۔ جمعہ نا دے آ پارلیمنٹ نا اسیجا دیوان اٹی خیال آتا درشانی ءِ کرسا آصف علی زرداری سکوارڈن لیڈر احسن ءِ خراج تحسین پیش کرے ہرا بھارتی جہاز ءِ خلک بٹے و پارے کہ او قوم انا ہیرو ءِ۔ اوپارے کہ بھارت ڈیہہ ٹی تینا وجود ءِ جوڑ کننگ خواہنگ ءِ، او آئی سی نا باسک ملک آک ننا سنگت ءُ و او شکار کننگ کن بھارت آ ہنپسہ داڑے بریرہ، ایوان نا فیصلہ نا مون آ سرتسلیم خم ءِ ولے کنا سلاہ دادے کہ او آئی سی ٹی پاکستان بایدے کائے۔ نن دوست ملک آتون دا معاملہ غا بایدے ہیت کین، روس و ترکی تون ای سنگتی ءِ ودفیٹ۔ اوایٹمی پروگرام کن گودی بے نظیر بھٹو نا کڑد ءِ خراج عقیدت پیش کرے وپارے کہ او ڈیلیوری سسٹم تس، نن جوزہ ہی ءُ قوم اسے اُن، و جوزہ غاتے اٹ سجفنہ، گچین کاری کن مودی نا مہم جوئی بیک فائر مریک ، دا اللہ ناکرم ءِ۔ بھارتی پائلٹ نا یلہ کننگ نا فیصلہ نا ستاءِ کیوہ ، دا سافٹ ڈپلومیسی وخت انا گرج ءِ۔ ننے دنیا ءِ تینا دروشم ءِ نشان تروئی ءِ۔ اوپارے کہ نن ہمسایہ ملک آتون تعلقداری تے پین بایدے سوگو کین تانکہ مشکل اٹی او ننتون تفر، ممبئی جلہو نا وخت ننا وزیر خارجہ شاہ محمود قریشی ئس، اودے معلوم ءِ کہ ہراوڑنن سنگت آتون گپ و تران کرین و اوفتے اوار ہلسا مون آ ہنان۔ اوپارے کہ اوآئی سی ٹی بایدے ہنوئی مرے ،
