اسلام آباد۔ 01مارچ (اے پی پی) وزیر خزانہ اسد عمر پارینے کہ مچ آ پاکستان بھارت نا برخلاف یکجاءِ، جنگی حالیت آتیان پد ہم پاکستان نا اسٹاک مارکیٹ اٹی ہچ ءُ تنکی اس بتنے بلکن ودکی مسنے۔ جمعہ نادے آ پارلیمنٹ نا اسیجا دیوان اٹی خیال آتا درشانی ءِ کرسا وزیر خزانہ اسد عمر پارے کہ ملکی دفاع کن جان ءِ ندر کننگ کن تیار وطن نا مسڑ و مارتے خراج تحسین پیش کیوہ، بھارتی فضائیہ پاکستانی فضائیہ غان مسہ چارک بھلن ءِ،بھارت جارحیت آن پد دیوان مس تو اوٹی پاک فضائیہ نا سروک نا لہجہ ٹی ہرا بھروسہ ئس او ہروئی ئسک و پاک فضائیہ نا شاہین داڑا پورو سلیسر ۔ اوپارے کہ بھارت نا سیاسی واکدارآک داوخت آ بشخ وپانٹ، و پاکستان نا سیاسی واکدارآک یکجاءُ، داوخت آ مچ آ پاکستان یکجاءِ، بھارت نا برخلاف کشمیر اٹی بے کچ خارءِ، تدوک آ اسہ ہفتہ ٹی مارکیٹ اٹی ہچ ءُ تنکی اس بتنے ، ساڑی حالیت آتیان پد ہم ننا مارکیٹ آک سوگو ءُ و اسٹاک مارکیٹ اٹی ودکی مسنے۔
