اسلام آباد۔28فروری (اے پی پی) آزاد کشمیر ءِ پیسرگیں مزن وزیر بیرسٹر سلطان محمود چوہدری ءَ گشتگ کہ بھارتءَ دائمءَ کشمیرءِ جیڑہءَ را گیشءُ گیوار کنگءِ بدل ءَ سولءُ تران ءَ چہ تتکگ، بھارت مقبوضہ کشمیرءَ انسانی حکاناں لگت مال کنگءَ اِنت، ما ایشی ءَ ایر جناں، مودی گوں یک بیم کاری کنوکیں ہندو گّلے ءَ گوں سیادی داریت، آ گوستءَ ہم مسلمان آنی ناحق کُشت ءُ حون ءَ ہوار بوتگ،برہان وانی ءِ شہید بوہگءَ پد آزاتی ءِ آشوب گیش بوتگ، مدام بھارتءَ کہ لھس گچین کاری بنت عوام ءِ جانءُ مال محفوظ نہ بنت۔ اے حیالانی درشانی آئیءَ اسلام آبادسءَ وتی لوگءَ د رملکی سفیرآنی ڈلءَ گوں گندءُ نندءَ گپ ءُ تران کنانءَ کتگ۔ ڈلءَ چین ، ، نیدرلینڈز، جرمنی، فرانس، ہنگری، جاپان، انگلینڈءُ آسٹریلیا ءِ سفارت کار ہوار بوتگ اَنت۔ بیرسٹر سلطان محمود چوہدری ءَ گشتگ کہ بھارتءُ پاکستانءِ نیامءَ کست ءُ کینگ ءِ سون کشمیرءِ جیڑہ اِنت ءُ اے جیڑہءِ گیشءُ گیواری کنگءَ پاکستان ساڑی اِنت۔ آئیءَ گشتگ کہ پلوامہ اُرشءَ پد بھارتءِ نیمگءَ چہ بے سبوتءَ بھتان جنگ بوتگءُ تاں انوں یک لکھ ءَ چہ گیش کشمیری اُلس شہید کنگ بوتگ اَنت۔ آئیءَ گشتگ کہ کشمیرءَ ہفت لکھءَ چہ گیش بھارتی فوج است اَنت ۔ بیرسٹر سلطان محمود ءَ گشتگ کہ بھارتی مزن وزیر مودی یک بیم کاریں ہندو تنظیمءَ گوں سیادی داریت۔
