اسلام آباد۔ 28فروری (اے پی پی) دری کارانی وزیر شاہ محمود قریشی ءَ امریکی صدر ڈونلڈ ٹرمپ ءِ بیانءَ را وش اَتک کتگءُ گشتگ کہ پاکستان ءِ گوں امریکہ ءَ سیادی دیریگین اَنت، امریکہ ءِ بیان خطہ ءَ امنءُ ایمنی کنگءَ کمک دنت۔ اے گپءِ وشی اِنت کہ صدر ٹرمپ ءَ جاورحالانی نازرکی دیستگءُ وتی بیان داتگ۔ پنچ شمبے ءِ روچءَ مزن وزیر عمران خان ءِ سروکی ءَ کابینہ ءِ دیوانءَ پد حال درءَ گوں گپءُ تران کتگءُ دری کارانی وزیرءَ گشتگ کہ عمران خان ءُ کابینہ ءَ دری کارانی گہتریں پالیسی جوڑ کنگءُ ناگیگیں جاورحالاں سفارتکاری کنگءِ سرءَ دری کارانی وزیرءُ دری کارانی وزارت ءَ را مراد بات پیش کناں۔ یک جستے ءِ پسو داتگءُ آئیءَ گشتگ کہ شپءَ منی سعودی عرب ءِ دری کارانی وزیرءَ گوں گپ بوتگ ءُ آئیءَ پاکستان آہگءِ واہشت ءِ درشانی کتگءُ ما آئیءَ را وش اَتک کتگ ۔ سعودی دری کارانی وزیر ولی عہد ءِ ہاسیں کلوہءَ زورگءُ پاکستانءَ پیداک اِنت۔ دری کارانی وزیرءَ گشتگ کہ بی جے پی ءِ لیڈر وت اے گپءَ منّگءَ اَنت کہ پاکستان ءِ سیمسراں بالی اُرش کنگءَ چہ مارا لوک سبھا ءَ مارا گیش 22سیٹ رسگءِ اُمیت اِنت۔
