اسلام آباد۔28فروری (اے پی پی) راجی جانءُ سلامتیءِ بنجاہی وزیر عامر محمود کیانی ءِ پمز ءِ اناگہی ترءُ تاب کتگءُ پاک بھارت جاورھال ءِ ردءَ کجام ہم ایمرجنسی ءَ ر ا گرءُ دار کنگءِ ھاترءَ گامگیجانی تپاسی کتگ۔ اے موہءَ جانءُ سلامتی ءِ بنجاہی وزیرءَ را درائیں گامگیجانی ہوالگءَ شونشت دیئگ بوتگ ۔ وارڈز ءَ تھت ءُ نپاد ءُ ایمرجنسی ءَ بلڈبنک ءَ حون پھجارینگ بوتگ۔ شونشتءَ نادراہ جاہءِ ایگزیکٹیو بورڈ دیوانءَ کتگیں فیصلہ آں چہ بنجاہی وزیر ءَ سرپد کتگءُ گشتگ کہ پمز نادراہ جاہ ءِ نوکیں ایمرجنسی بلڈنگءَ را ایمرجنسی جاورحال ءَ وارڈءِ ردءَ کارمرز کنگ بیت۔ نادراہ جاہ ءِ درائیں ملازم آنی موکلی دارگ بوتگ اَنت تنکہ کجام ہم ایمرجنسی جاورلاں گرءُ دار کنگءَ نرسءُ پیرامیڈیکل سٹاف ساڑ ی بہ بنت۔
