اسلام آباد۔ 28فروری (اے پی پی)مزن وزیر عمران خان ءَ سینیٹر سجاد حسین طوری ءَ را ایوان بالا ءَ پاکستان تحریک انصاف ءِ چیف وہپ جوڑ کتگ، سینیٹ سیکرٹریٹ ءَ چہ نوٹیفکیشن جاڑی کتگ۔ سینیٹ سیکرٹریٹ ءِ گشگءِ ردءَ سینیٹر سجاد حسین طوری ءِ عہدگ ءِ بستار ملکی وزیرءِ ہم کچ بیت۔ سینیٹ ءَ قائد ایوان سینیٹر سید شبلی فراز ءَ مزن وزیر ءِ نیمگءَ چہ سینیٹر سجاد حسین طوریءَ را پاکستان تحریک انصاف ءِ چیف وہپ جوڑ کنگ ءِ نوٹیفکیشن دستءَ داتگ۔ سینیٹر سجاد حسین طوری ءَ سینیٹءِ چیئرمین محمد صادق سنجرانی ءُ سینیٹءَ قائد ایوان سینیٹر سید شبلی فراز ءَ گوں گندءُ نندکتگ۔ قائد ایوان ءَ گوں گپءُ تران کنانءَ سینیٹر سجاد حسین طوری ءَ گشتگ کہ ایوان بالا ءِ مزن گسی دودءُ ربیدگءَ را محکم کنگءَ وتی کردءَ پیلو کنت۔ ایوان بالاءَ استیں سیاسی گلانی نیامءَ نزیکی ءُ وت مہ و تی ءَ را گیش کنگءِ کوشستءَ کناں۔ سینیٹءِ چیئرمین محمد صادق سنجرانی ءَ ہم چیف وہپ جو ڑ بوہگءَ سینیٹر سجاد حسین طوری ءَ را مراد بات داتگ۔ آئیءَ گشتگ کہ اُمیت اِنت کہ سینیٹرسجاد حسین طوری وتی آئینی کردءَ پیلو کنت۔ سینیٹ چیئرمین ءَ سینیٹر سجاد حسین طوری ءَ را وتی ہمراہ داری ءِ اوست داتگ۔
