بھارتی دراندازی جارحانہ گام گیج و اقوام متحدہ نا چارٹر و جہانی کانود نا خلاف ورزی ءِ، نن جہانی برادری ءِ تینا گڑتی تیان معلومدار کرینن
اسلام آباد۔ 27 فروری (اے پی پی) وزیر خارجہ شاہ محمود قریشی پارینے کہ بھارت نا کنڈان دراندازی اسہ جارحانہ ءُ گام گیج اسے ، ہرا اقوام متحدہ نا چارٹر و جہانی کانود نا خلاف ورزی ءِ، نن جہانی برادری ءِ تینا گڑتی تیان باخبر تخان۔ داخیال آتا درشانی ءِ او چارشنبے نادے آ اقوام متحدہ نا سیکرٹری جنرل انٹونیو گوٹریش تون ٹیل فون آ گپ و تران اٹی کرے۔ گپ و تران اٹی ڈیہہ ٹی امن و ایمنی نا حالیت آتیا گپ و تران کننگا۔ وزیر خارجہ پارے کہ ننے گڑتی ئس کہ بھارت نا حکومت سیاسی مسخت آتے کن ڈیہہ نا امن ءِ شیف و بڑز کننگ کیک، نن جہانی برادری ءِ تینا گڑتی تیان باخبر تخان۔ مخدوم شاہ محمود قریشی پارے کہ ای سیکرٹری جنرل اقوام متحدہ ءِ دارداٹ نوشتہ کروک آ تینا اِرا چھٹی تا ہم حوالہ ءِ تس۔ اوپارے کہ بھارت نا کنڈان دراندازی اسہ جارحانہ ءُ گام گیج اسے ہرا اقوام متحدہ نا چارٹر و جہانی کانود نا خلاف ورزی ءِ۔ اوپارے کہ سیکرٹری جنرل اقوام متحدہ ننے تینا پورو کمکاری نا باوری ترفینے۔
