اسلام آباد۔ 26 فروری (اے پی پی) وزیر ءِ درئی کار شاہ محمود قریشی ءُُ وزیر ءِ دیمپانی پرویز خٹک ءَ گوشت کہ بھارت ءَ او آئی سی ءِ جوڑیشتی باسک پاکستان ءِ ھلاپ ءَ ڈاھ ءُُ شور ءُُ ایمنی ءَ را لگت مال کتگ ایشی ءِ پسو دیگ ءِ ھک ءَ دار آں، راج ءَ را مایوس نہ کناں، پاکستان ءِ سول اُردی سروک بھارتی جزم ءَ پھم ایت ءُُ ایشیءِ پسو ءَ دیگ ھم زاناں۔ آ سئے شمبے ءَ وزارت درئی کار ءَ بنجاھی وزیر ھزانگ اسد عمر ءِ ھمبراھی ءَ پریس کانفرنس ءَ گوں گشتانک دیگ ءَ ات۔ بنجاھی وزیر درئی کار شاہ محمود قریشی ءَ پریس کانفرنس ءِ بنگیج ءَ مزن وزیر عمران خان ءِ سروکی ءَ راجی سلامتی کمیٹی ءِ ھاسیں دیوان ءَ جار ونت ءُُ گوشدارینت۔ راجی سلامتی کمیٹی ءَ بالاکوٹ ءِ نزیک ءَ ناشرکاری کمیپ ءَ را نشانگ بندگ ءُُ ٹوھیں جانی تاوان ءِ بھارتی بٹاک آناں سرجمی ءَ رد کنان ءَ گوشت کہ یک رنگ ءِ پد ءَ بھارتی حکومت ءَ بٹاک ءُُ وت ساچ آنی کمک زرتگ۔ بھارت ءَ دروگ بستگ۔ اے گامگیج بھارت ءَ گچین کاری جاور آنی واستہ کنگ بوتگ ایشی ءَ چہ پڑ ے ایمنی ءُُ برجائی ءَ ترندیں بیم آں گوں دوچار گیتکگ۔
