اسلام آباد۔ 26 فروری (اے پی پی) نجکاری و ہوابازی نا بنجائی وزیر محمد میاں سومرو پارینے کہ پاکستان تحریک انصاف (پی ٹی آئی) نا حکومت راج انا غٹ تپہ غاتے آسراتی تننگ اٹ بھاز است خواہی ہلنگ ءِ، گچین اقتصادی پالیسی تیان قومی معیشت اٹی گچینی بننگ ءِ ، الس نا زند انا آب اٹ بدلی سال تیٹ آخا تُو تے اٹ نظر بریک، بنجائی حکومت مچ آ ملک اٹی جان جوڑی نا آسراتی تا فراوانی تون اوار اوار سندھ انا الس ءِ جان جوڑی نا آسراتی تا فراوانی ءِ المی جوڑ کننگ کن خصوصی گام گیج کننگ ءِ۔ نجی ٹی وی چینل تون گپ و تران کرسا اوپارے کہ وزیراعظم عمران خان نا وژن نا رداٹ حکومت دے و نن کاریم کننگ ءِ تانکہ الس ءِ ریلیف تننگ مرے و اوفتا زند اٹی خاطرخواہ بدلی اتنگ مرے۔ اوپارے کہ الس نا زند انا آب اٹی مروک آ بدلی سال آتے اٹ آخا بلکن تُو تے ٹی ہر کس ءِ نظر بریک۔ اوپارے کہ اقتصادی ٹک آک گچین مننگ ءُ و پی ٹی آئی نا سرکڑدہ ہی نا گچین پالیسی تیان قومی معیشت اٹی ہم گچینی بننگ ءِ۔ اوپارے کہ پی ٹی آئی الس نا خذمت آ باور کیک و دا بابت کوشست کننگ انگ ءِ۔ اومستی پارے کہ ملک انا غٹ ادارہ غاک شرفدار وڑاٹ الس نا خذمت نا پابند ءُ۔
