اسلام آباد۔ 26 فروری (اے پی پی) بنجائی وزیرامورکشمیر و گلگت بلتستان علی امین خان گنڈاپور بھارتی جہاز آتا آزاد کشمیر اٹی دراندازی نا ترندی اٹ مذمت ءِ کرسا پارے کہ داوڑنا مہم جوئی نا پبی ورندی ءِ تننگک۔ پاکستان نا دفاع ناقابل تسخیر ءِ ، ننا فوج انا لائخی تیان بھارت ءِ جوانی اٹ سماءِ۔ سے شنبے نادے آ پاکستان تحریک انصاف نا بنجائی میڈیا ڈیپارٹمنٹ آن جاری بیان نا رداٹ بنجائی وزیر امور کشمیر وگلگت بلتستان علی امین خان گنڈاپور پارے کہ بھارت ننا صبر ءِ آزمائفپ ، مودی گچین کاری تا خاطر ڈیہہ نا امن ءِ بھس کننگ اٹ لگوک ءِ۔ علی امین گنڈاپور پارے کہ دروغ و بے بنداو پروپیگنڈا اٹ مودی تینا الس ءِ بے وقوف جوڑ کننگ ءِ بند کے۔ اوپارے کہ ڈیہہ ٹی امن ءِ لتاڑنگ نا غٹ تر زمواری بھارت آ مریک، پاکستان و آزاد کشمیر نا چناچنا بھارتی جارحیت تون مون تننگ کن تیار ءُ۔
