اسلام آباد۔ 25فروری (اے پی پی) صدر مملکت ڈاکٹر عارف علوی ءَ چاگردی ءُُ معاشی دیمروئی ءِ واستہ وانگ ءُُ زانگ ءَ را گہتر ءُُ ایشرا نوکیں زمانگ ءِ لوٹ آنی رد ءَ کنگ ءِ ضلورت ءِ سر ءَ زور پر دیان ءَ گوشت کہ پاکستان ءِ واستہ مرچی مٹ بوھگ آسان اِنت، حکومت ءِ تہ ءَ اے بابت ءَ جوانیں کن ھشت است اِنت، نوکیں پاکستان جوڑ بیت۔ آ دو شمبے ءَ ایون ءِ صدر ءَ وانگ ءُُ زانگ ءِ ھوالگ ءَ راجی سیمینار ءَ گوں گشتانک دیا ن ءَ کنگ ءَ ات۔ اے موہ ءِ سر ءَ بنجاھی وزیر برائے وانگ ءُُ زانگ ءُُ کزبی ھیل کاری شفقت محمود، ہایئر ایجوکیشن کمیشن ءِ چیئرمین ڈاکٹر طارق بنوری، نیشنل ڈیفنس یونیورسٹی ءِ پریذیڈنٹ لیفٹیننٹ جنرل عامر ریاض، اسلامی نظریاتی کونسل ءِ چیئرمین قبلہ ایاز، بے نظیر انکم سپورٹ پروگرام ءِ چیئرپرسن ڈاکٹر ثانیہ نشتر ءُُ ایندگر آں گشتانک دات۔ صدر ءِ مملکت ءَ گوشت کہ چاگردی ءُُ معاشی دیمروی ءِ واستہ وانگ ءُُ زانگ ءَ را گہتر کنگ لوٹ ایت، اے رد ءَ نوکیں ٹیکنالوجی ءِ کارمردی وھد ءِ ارزشتی ایں ضلورت انت، حکومت وانگ ءُُ زانگ ءِ شوبگ ءَ دیمروئی ءِ سر ءَ دل یکیمی دار ایت، اے بابت ءَ وانگ ءُُ زانگ ءَ را نوکیں زمانگ ءِ لوٹ آنی رد ءَ ھمگام کنگ لوٹ ایت۔ صدر ءِ مملکت ءَ گوشت کہ سیکگ ءِ کار پٹ ءُُ پول ءَ چہ بندات بیت ءُُ در جتگیں آسر آناں آیوکیں باھند آں تاں سر کنگ راستیں وانگ ءُُ زانگ اِنت۔
