اسلام آباد ۔ 25 فروری (اے پی پی) مزن وزیر عمران خان ءَ منی لانڈرنگ ءَ را راجی معیشت ءِ ھاترا ناسور گوشت ءُُ فنانشل مانیٹرنگ یونٹ (ایف ایم یو) ءَ را گیش فعال کنگ ءِ کڈنی دیان ءَ گوشت کہ منی لانڈرنگءِ تہ ھوار مردم کجام رعایت ءِ ھقدار نیست ات اے رنگیں مردماں را بے نقاب کنان ءَ آہانی حقی ءِ دیم آرگ بنت۔آہاں اے گپ دوشمبےءَ منی لانڈرنگ ءِ موثر گرودار ءِ ھاترا کتگیں گامگیج ءُُ اے آسرءَ دست کتگیں سوبمندی ءِ باروا مزن تکی دیوان ءِ سروکی کنان ءَ گوشتگ ات۔دیوان ءِ تہ ھزانگ وزیر اسد عمر،ھاسیں شہزاد اکبر ،ھاسیں کمکار افتخار درانی ،گورنر سٹیٹ بنک طارق باجوہ،تہی کارانی سیکرٹری ،چیئرمین ایف بی آر،چیئرمین ایس ای سی پی، ڈی جی ایف آئی اے ءُُُ دگہ مزن تکے مردماں بھرزوری کتگ۔دیوان ءِ تہ گورنر سٹیٹ بنک ءِ نیمگا چہ منی لانڈرنگ ءِ گرودار ءِ ھوالہ چہ سرجمیں ملک ءِ کمرشل بنک آنی ءُُ سٹیٹ بنک ءِ نیمگا چہ چست کتگیں گام گیج آنی سرا بریفنگ داتگ۔مزن وزیر ءَ را سرپد کنگ بوتگ کہ جعلی اکاونٹس ءِ ھوالہ ءَ تنیگہ شش لہتیں بنکءَ را 247کلدار جرمانہ وھدیکہ 109افسرانی ھلاپ ءِ پٹ ءُُ پول جاڑی انت۔دیوان ءَ را سرپد کتگ کہ پاکستان ءِ تہ استیں اوگان باھوٹیانی بنک اکاونٹس پچ کنگ ءِ تہ اڑاند دور دیگ بنت۔نادرا ءِ نیمگا چہ جاڑی کتگیں پروف آف رجسٹریشن (پی او آر)کارڈ ءِ بنیات ءِ سرا بنک اکاونٹ پچ کنگ ءِ آسراتی پھجارگ ءِ درگت ءَ کار برجاہ انت۔دیوان ءِ تہ کمرشل بنکانی نیمگا چہ مشکوک ٹرنزیکشنز رپورٹس ءِ برجاہی ءُُ فنانشل مانیٹرنگ یونٹ ءِ نیمگا چہ رپورٹ آنی چارءُُ تپاس ءُُ ایشانی سرا پٹ ءُُ پول ءِ ھوالہ چہ ھم چکاریں سرپدی داتگ۔مزن وزیر ءَ را سرپدی دیگ بوتگ کہ 2018ءِ تہ 8707شکی ایں ٹرانزیکشنز رپورٹس ءِ اجراء کنگ بوتگ وھدیکہ 2017 ءِ تہ اے کچ 5548 ات۔ دری ملکاں چہ فنانشل اٹیلی جنس شیئرنگ ءِ درگت ءَ برطانیہ، قطر، متحدہ عرب امارات ءُُ آسٹریلیا گوں ایم او یوز سرا دستخط کنگ بوھگ انت تنکہ معلومداری ءِ مٹ ءُُ سٹ ءَ را دراجی دیگ بیت۔ سٹیٹ بنک حکام ءِ نیمگا چہ منی لانڈرنگ ءُُ شپوکی ءِ ھوالہ ءَ ضبط کتگیں کرنسی ءُُ دگہ چیزانی مالیت ءِ باروا ھم سرپدی دیگ بوتگ۔ ایف بی آر حکام ءِ نیمگا چہ مزن وزیر ءَ را سرپد کتگ کہ اینٹی منی لانڈرنگ ءِ کانود ءِ ایر ءِ پدا مئی2016چہ جنوری 2019ءِ تاں مچ 335شکی ایں ٹرانزیکشنز کنگ بوتگ ات ایشی ءِ آسرءَ پنچ سدچہ گیش کیسانی پٹ ءُُ پول کنگ بوتگ ات ءُُ 6.6ارب کلدار ءِ ریکوری بوتگ۔تہی کارانی سیکرٹریءِ نیمگا چہ سیمسرانی ءُُ لہتیں ایئرپورٹس ءِ سرا منی لانڈرنگ ءِ گرودار ءِ درگت ءَ کتگیں گامگیجانی سرا سرجمیں بریفنگ داتگ۔اے درگت ءَ مزن وزیر ءَ ایف ایم یونٹ ءَ را گیش فعال ءُُ مھکم کنگ ءِ کڈنی داتگ ءُُ گوشت کہ منی لانڈرنگ ملکی معیشت ءِ ھاترا یک ناسورانت ایشی ءَ چہ ملکی معیشت ءَ را باز تاوان بوتگ۔آہاں گوشت کہ منی لانڈرنگ ءَ ھوار مردم کجام رعایت ءِ ھقدار نیست انت۔اے رنگیں مردماں را راج ءِ دیما آرگ بیت۔
