اسلام آباد ۔ 25 فروری (اے پی پی) راجی کیاسگری بیورو (نیب) ءِ میڈیا رپوٹ آنی تہ ءَ گوشگ بوتگ کہ نیب ءَ واٹس ایپ میچس ءِ وسیلگ ءَ آغا سراج درانی ءِ وارنٹ ءِ دزگیری جاڑی کتگ اَنت ءُُ ایندگر بھتام آناں ترندی ءَ گوں رد کنان ءَ گوشتگ کہ نیب یک راجی ادارگ اِنت ایش کانود ءِ رد ءَ وتی پرز آناں پیلو کنگ ءَ انت۔ نیب ءَ سپیکر سندھ اسمبلی آغا سراج درانی ءِ گس ءَ سرچ آپریشن آمید گس ءَ چہ اجازت زورگ ءَ پد لیڈیز پولیس والا آنی ھمبراھی ءَ کت۔ ھمینکاس مسل آئی ءِ گس ءَ چہ دزگیر کنگ بوتگ انت ایشانی سرجمیں لڑ سیادی داروکیں کارندہ ءِ دست چنگل ءَ گوں جاڑی کت۔ نیب ھمک مردم ءِ شرپ ءُُ ازت ءِ ھیال ءَ دار ایت، نیب ءِ نیمگ ءَ اچ کس ءِ بے ازتی ءِ سوال پیداک نہ بیت۔ میڈیا ءَ گوں دزبندی انت کہ آ نیب ءِ ھوالگ ءَ کجام ھم رنگ ءِ ھال ءِ شنگ ءُُ تالان کنگ ءَ چہ پیسر پکو بکن اَنت۔
