مقبوضہ کشمیر اٹی پلوامہ واقعہ غان پد ودی مروک آ علاقائی حالیت آتا بارواٹ معلومدار کرے
اسلام آباد۔ 25 فروری (اے پی پی) وزیر خارجہ شاہ محمود قریشی دوشنبے نادے آ چینی ہم منصب وانگ ژی تون ٹیلی فون آ رابطہ کرے و اودے مقبوضہ کشمیر اٹی پلوامہ نا واقعہ غان پد ودی مروک آ علاقائی حالیت آتا بارواٹ معلومدار کرے۔ ترجمان دفتر خارجہ نا کنڈآن جاری بیان نا رداٹ وزیر خارجہ پدریسہ مخ تفی آ چین نا منت واری ءِ ہرفے۔ اوڈیہہ ٹی امن و سوگوی و بھارت تون غٹ ویل آتے مذاکرات نا کمک اٹ ایسر کننگ نا پاکستان نا است خواہی ءِ تالان کرے۔ اوبے چیٹی تے کم کننگ کن پاکستان نا کنڈآن کروک آگام گیج آتے ہم مون آتخا۔ چینی وزیر خارجہ ٹیلی فون آ وزیر خارجہ نا منت واری ءِ ہرفسا پاکستان نا کوشست آتا ستاءِ کرے۔ اوامنا کریر کہ ودی مروک آ علاقائی حالیت آک مچ آ ڈیہہ نا امن و سلامتی کن گڑتی تا حامل ءُ۔ اودہشت گردی نا برخلاف جنگ اٹی پاکستان نا خذمت آتے امنا کرے ہراڑکن پاکستان بھلو نہاد اس ادا کرینے۔ ہڑتوم آ وزیر خارجہ غاک علاقائی حالیت آتا بارواٹ اسہ ایلو تون رابطہ غاتے برجاتخنگ آ امنا کریر۔
