کراچی۔ 24 فروری (اے پی پی) صدر مملکت ڈاکٹر عارف علوی ءَ گوشت کہ شاہ عبداللطیف بھٹائی وڈیں صوفی شعراءِ ھوار سندھ ءِ شعراء دگنیا ءَ را مھر ءُُ محبت ءِ کلوھ داتگ انت ایشی ءَ را تعلیم ءِ وسیلگ ءَ لس کنگ ءِ ضلورت انت، سندھ ءِ کلچر ءُُ دود ءُُ ربیدگ سندھ دھرتی ءِ مڈی انت۔ساڑءُُ بھیسہ تالان کنگ سندھ ءِ ربیدگ ءِ ھلاپ انت۔پاک فوج ءَ ناشرکاری ءِ عنصر ءَ سیمسرءِ سرا داشتگ انت ،کرپشن ءِ سبب ءَ معاملہا گہتری ءِ نیمگا نہ روگ انت۔اے ھیالانی درشان صدر عارف علوی ءَ یک شمبے ءَ ادا سندھ لبزانکی میڑھ ءِ مراگش ءَ گوں تران کنان ءَ کتگ ات۔صدر مملکت ءَ گوشت کہ سندھ صوفی ءِ مردمانی سرڈگار انت ،شاہ عبدالطیف بھٹائی وڈیں مردم وتی کلام ءِ وسیلگ ء امن ءِ کلوھ داتگ ایشی ءِ سرا عمل کنگ ءِ ضلورت انت۔آہاں گوشت کہ پاکستان معاشی دیمروئی ءِ راھ ءَ سر بوتگ استیں حکومت گہتر معاشی پالیسی ءَ جوڈ کنگ انت تنکہ ملک معاشی گہبودی ءِ نیمگا بروایت۔ صدر ڈاکر عارف علویءَ گوشت کہ سرجمیں دگنیا ءَ کتاب ءِ ارزشت کم بوھگ انت ایشی ءِ نیمگا روگ بیت۔آہاں گوشت کہ مہ مہر ءُُ محبت ءِ کلوھ ءَ را کتاب ءِ وسیلگ ءَ عام کنگی انت۔ صدر مملکت ءَ گوشت کہ مہ ناشرکاری ءِ ھلاپ ءَ جنگ ءِ تہ سوبمندی زرتگ انت ایشی ءِ ھاترا پاکستان ءِ راج ءُُ اردو ءَ قربانی داتگ ات ءُُ پاک فوج ءَ ناشرکاری ءِ عنصر ءَ را سیمسرانی سرا داشتگ انت۔صدر ءَ گوشت کہ کرپشن ءَ ملک ءِ بُن ھلاس کتگ ات حکومت کرپشن ءِ ھلاسی ءِ ھاترا کوشستاں کنگ انت۔آہاں گوشت کہ تھرپارکر ءِ مردمانی زند ءِ معیار گہتر کنگ ءِ ھاترا گامگیج کنگ بنت۔صدر مملکت ءَ گوشت کہ دود ءُُ ربیدگ ءِ پراھی ءِ تہ تعلیم ءِ کرد ھاس بوھگ انت ءُُ استیں حکومت تعلیم ءَ گوں ھوار جان سلامتی ءِ تک ءِ تہ ھم ھاسیں دلگوشی دیگ انت۔
