اسلام آباد ۔ 24فروری(اے پی پی)مزن وزیر عمران خان ءَ سرجمیں ملک ءِ ہائی کورٹ بار ایسوسی ایشنز ءِ نوک گچین بوتگیں اگدھ داران مرادبات داتگ۔مزن وزیر کارگس ءِ میڈیا ونگ ءِ نیمگا چہ یک شمبے ءَ جاڑی بیان ءِ ردا مزن وزیر ءَ گوشت کہ بار ایسوسی ایشنز وتی کرد ءَ شریں وڈءَ کانود ءِ حاکمی،ادارگہانی گہبودی ءُُ ملک ءِ تہ جمہوری روایتانی دراجی ءِ ھاترا کردءَ ادا کنگ انت۔آہاں اے اعتماد ءِ درشان کتگ کہ نوک گچین کانودی براتری ملک ءِ تہ انصاف ءِ نظام ءَ گیش مھکم کنگ ءُُ وکیلانی جیڈھاں را حل کنگ ءِ ھاترا وتی کرد ءَ برجاہ دارانت۔آہاں گوشت کہ وکیل براتاں را حکومت ءِ گہترکاری ءِ ایجنڈہ ءَ را سوبمند جوڈ کنگ ءِ ھاترا حکومت ءَ گوں ھوار بوت محنت ءَ گوں کار کنگ بیت۔
