اسلام آباد ۔ 24 فروری (اے پی پی)دری کارانی بنجاہی وزیر شاہ محمود قریشی ءَ دری کارانی کارگس ءِ تہ پیسریگیں سیکرٹریز ءُُ سفارتکاراں گند ءُُ نند کتگ۔اے شؤرءُُ سلہ ءِ دیوان زوربرتگیں کشمیر ءِ نگیگ بیوکیں جاورھال ءُُ بھارت ءِ جارحانہ جزم ءِ پیش نظر ءَ لوٹ کنگ بوتگ۔اے درگت ءَ مخدوم شاہ محمود قریشی ءَ گوشت کہ پیسریگیں سیکرٹریز ءُُ سفارتکاراں گوں شؤرءُُ سلہ ءِ مول ءُُ مراد آہانی دراجیں تجربگاں چہ پائدگ چست کنان ءَ اَستیں جاورھال ءِ تہ یک جامع ءُُ مھکمیں لاحہ عمل جوڈ کنگی انت۔پیسریگیں دری کارانی سیکرٹریز ءَ گوں زوربرتگیں کشمیر ءُُ جموں ءِ جاورھال ءِ ھوار لہتیں ھاسیں دری کارانی پالیسی امور ءِ سرا شؤرءُُ سلہ باز پائدگ مند بوتگ۔آہاں گوشت کہ مئے جہد انت کہ شؤرءُُ سلہ ءِ اے لڑ دیما ھم یکشلہ برجاہ بیت۔
