اسلام آباد ۔ 24 فروری (اے پی پی) دری کارانی بنجاہی وزیر شاہ محمود قریشی ءَ گوشت کہ پاکستان ءَ ہروھد اوگان امن ءِ واھگدار بوتگ بلے اوگان اوگان مفاہمتی کارایوکا پاکستان ءِ ذمہ واری نیست ات بلکہ اے دراھیں سٹیک ہولڈر ز ءِ یکجاھیں ذمہ واری انت۔یک جندی ٹی وی چینل ءَ گوں گپ ءُُ تران کنان ءَ گوشت کہ آہاں گوشت کہ امریکہ ،اوگان حکومتءُُ دگہ دمگانی تاگت ءَ را اوگانستان ءِ تہ سوگو امن ءِ برجاہی ءِ تہ وتی کرد ءَ پیلو کنگ بیت۔آہاں گوشت کہ امریکہ ،اوگان حکومت ءُُ دگہ دمگی تاگت ءَ را اوگانستان ءِ تہ پائیدار امن ءِ ھاترا سرجمیں کرد ادا کنگی انت۔آہاں گوشت کہ امریکہ ءَ را پدر کتگ ات کہ اوگان مفاہمتی عمل ءِ تہ امریکہ ءُُ اوگانستان ءَ را ھم وتی کرد ادا کنگ بیت۔یک جستے پسو ءَ آہاں گوشت کہ چین ءَ گوں زی ھم مئے سیادی مثالی ات ءُُ مروچی ھم آہانی تہ ہچ بدلی نہ اتکگ۔آہاں گوشت کہ چین پیسرءَ ھم مئے بااعتماد دوست ات ءُُ مروچی ھم انت۔آہاں گوشت کہ گوست ءِ حکومتانی دور ءَ پاکستان ءِ متحدہ عرب امارات ءِ ھوار سعودی عرب ءُُ دگہ خلیجی ملکاں گوں سیادی ءِ تہ خلا ودی بوتگ ایشی ءِ پائدگ بھارت ءَ پائدگ چست کتگ۔پاکستان تحریک انصاف ءِ استیں حکومت ءِ دور ءَ اے سپیس ءِ ھم ھلاسی کنگ بوتگ ءُُ اے خلیجی ملکاں گوں سیادی گیش مھکم کنگ بوھگ ات۔یک جستے پسو ءَ آہاں گوشت کہ ملکی معیشت ءِ گہبودی ءِ ھاترا پاکستان ءِ تہ ھاسیں اقتصادی زونز جوڈ کنگ بوھگ انت ایشی ءِ تہ سعودی عرب ءِ ھوار ملائشیا ءُُ متحدہ عرب مارات ءُُ دگہ ملک سرمایہ کاری کت کن انت آہاں را پاکستان وش اتک کن ایت ءُُ ایشی ءَ چہ روزگار ءِ دراجیں موہ پیدا بنت۔
