پدمنتگیں دمگاناں دیما آرگءَ عثمان بزدارءَ را سروزیر جوڑ کتگ
راجن پور۔22فروری (اے پی پی) مزن وزیر عمران خان ءَ پنجاپءِ سروزیر عثمان بزدار ءِ سرءَ اوستءِ درشانی کتگءُ گشتگ کہ پدمنتگیں دمگاناں دیما آرگءَ عثمان بزدارءَ را سروزیر جوڑ کتگ۔ جمعہ ءِ روچءَ جانءُ سلامتی کارڈ ءِ بھرءُ بانگ کنگءِ مراگشءَ گوں تران کنانءَ مزن وزیر ءَ پنجاپءِ سروزیر عثمان بزدار ءَ را پدمنتگیں دمگاں جانءُ سلامتی ءِ کارڈ ءِ بھرءُ بانگءِ سرءَ مراد بات داتگءُ گشتگ کہ آئی ءِ باروا پندل سازگ بوہگءَ اِنت ءُ گوں شہباز شریفءَ تولگ بوہگءَ اِنت آ چہ ایشاں پریشان نہ بیت۔ چیا کہ آ وت پدمنتگیں دمگاں گوں سیادی داریں ءُ آئی ءِ زھگ ہمے وانگ جاہ ءَ وانگءَ اَنت ہمے نادراہ جاہ آں چہ علاج ءَ رؤں۔ آئیءَ گشتگ کہ آئیءِ دمگءَ اڑھائی لکھءِ آباتی ءَ اہچ ڈاکٹر نیست ۔ آئی ءَ گشتگ کہ منی واہشت اِنت کہ انچیں سروزیر ے بہ بیت کہ آ اُلسءِ دُکھ دردءَ بہ ماریت۔ مزن وزیرءَ گشتگ کہ پہ پدمنتگیں دمگاں چیزے کناں گڑا اللہ تعالیٰ ءِ نیمگءَ چہ برکت بیت۔
