اسلام آباد۔22فروری (اے پی پی ) مزن وزیر عمران خان ءَ گوں پاکستان تحریک انصاف سندھ ہءِ جنرل سیکریٹری حلیم عادم شیخ ءَ جمعہ ءِ روچءَ گندءُ نندکتگ۔ پاکستان تحریک انصاف ءِ بنجاہی ڈیپارٹمنٹ ءَ چہ جاری بیانءِ ردءَ بنی گالا ءَ بوتگیں گندءُ نندءَ سندھ ءِ سیاسی جاورھال ءُ دونیمگی حب ءُ واہگی کارانی سرءَ حیالءُ لیکہ ءِ درشانی کنگ بوتگ ءُ سندھءَ پارٹی ءِ تنظیمی جیڑہ آنی سرءَ حیالءُ لیکہ ءِ درشانی ہم کنگ بوتگ۔ اے موہءَ حلیم عادل شیخ ءَ گشتگ کہ سندھ ءِ اُلس مٹی لوٹاں۔ مزن وزیر عمران خان سندھءِ اُلسءِ گڑی اُمیت اِنت۔ آئیءَ گشتگکہ سندھ ءِ آسراتی بے رحمی ءَ گوں دُزّگ ءُ ورگ بوتگ اَنت۔ سندھ ءِ مردم شُدءُ نادراہی ءِ دستاں دیئگ بوتگ اَت۔ حلیم عاد ل شیخ ءَ گشتگ کہ احتساب ءَ تچکءِ ھاترءَ سیاست ءِ سہارا زورگ بوہگءَ اِنت۔ راجءِ دُزیتگیں دولتءَ پچ گراں۔
