اسلام آباد۔ 22 فروری (اے پی پی) وزیراعظم عمران خان پارینے کہ بیورو کریسی ءِ پوروڑاٹ غیر سیاسی و السی خذمت نا حامل جوڑ کننگ پی ٹی آئی حکومت نا منشور ءِ ، سرکاری کارندہ غاتا کنڈآن الس کن مشکل ودی کننگ نا روش ءِ ہچ ءُ حالیت اسے ٹی امنا کپنہ۔ السی نمائندہ غاک وڈی خوری ، رشوت خوری و تینائی گری ٹی اوار عنصر آتا پیدواری ءِ کیر، سرکاری میٹنگ آتے ٹی الس ءِ گھنٹہ غاتا گھنٹہ انتظار کرفنگ نا روش ءِ ہچ ءُ حالیت اسے ٹی سگپنہ۔ سرکاری آفیسر آک الس کن اوپن ڈور پالیسی آ عمل ءِ المی جوڑ کیر۔ اوداخیال آتا درشانی ءِ سرگود ھا ڈویژن آن تعلق تخوک آ قومی اسمبلی نا باسک آتون گپ و تران کرسا کرے ہراک جمعہ نادے آ اوڑتون اوڑدہی کریر۔ اوڑدہی ٹی ملک عمر اسلم خان، ملک محمد احسان اللہ ٹوانہ، امجد علی خان، ثناء اللہ مستی خیل، ڈاکٹر محمد افضل خان ڈھانڈلہ، چوہدری عامر سلطان چیمہ و جویریہ ظفر آہیر ئسک ساڑی ئسر۔ وزیراعظم نا خصوصی کمکار نعیم الحق ، ارشد داد و ترجمان ندیم افضل گوندل ئسک ہم اوڑدی ٹی اوار ئسر۔ وزیراعظم چوہدری عامر سلطان چیمہی ءِ باسک قومی اسمبلی گچین مننگ آ مبارکبادی تس۔ قومی اسمبلی نا باسک آک الس ءِ مون تروک ویل آتیان وزیراعظم ءِ معلومدار کریر۔ گچین مروک آ نمائندہ غاک وزیراعظم ءِ انتظامیہ و پولیس آن تعلقدار ویل آتیان ہم معلومدار کریر۔ داوخت آ گپ و تران کرسا وزیراعظم پارے کہ بیوروکریسی ءِ پورو وڑاٹ غیر سیاسی کننگ و پبلک سروس ڈیلیوری ءِ المی جوڑ کننگ پاکستان تحریک انصاف نا حکومت نا منشور ءِ۔ اوپارے کہ سرکاری کارندہ غاتا کنڈآن الس کن مشکل ودی کننگ نا روش ءِ ہچ ءُ حالیت اسے ٹی امنا کپنہ۔ السی نمائندہ غاک وڈی خوری، رشوت خوری و تینائی گری ٹی اوار عنصر آتا پیدواری ءِ کیر۔ اوپارے کہ گچین مروک آ نمائندہ غاک الس ءِ مون تروک ویل آتا پیدواری و اوفتا ایسر ی ءِ المی جوڑ کننگ کن متحرک کڑد ادا کیر۔ وزیراعظم پارے کہ سرکاری میٹنگز نا آڑاٹی الس ءِ گھنٹہ غاتا گھنٹہ انتظار کرفنگ ءِ ہچ ءُ حالیت اسے ٹی سگپنہ۔ سرکاری آفیسر آک الس کن اوپن ڈور پالیسی آ عمل ءِ المی جوڑ کیر۔ وزیراعظم پارے کہ ملک اٹی نیزگاری و حقدار بندغ آتا کمک کن مفصل پروگرام نا پڑو ءِ زوت کننگک۔ اوپارے کہ ورناتے کسب ہیل تننگ وکشت وکشار نا شونداری حکومت نا اولیت آتے ٹی اوار ءِ۔ گچین مروک آ نمائندہ غاک مظفرگڑھ، میانوالی شاہراہ و سرگودھا۔ میانوالی روڈ انا انتظام ءِ این ایچ اے نا حوالہ کننگ نا خواست ءِ ہم کریر۔ اوڑدہی ٹی سرگودھا ڈویژن اٹی پارٹی نا تنظیمی معاملہ غاتیا سجفیر۔
