اسلام آباد۔ 22 فروری (اے پی پی) بنجائی وزیر جان جوڑی نا درخواست آ پمز انا ڈاکٹرز، نرسنگ و پیرامیڈیکل اسٹاف ہڑتال ءِ چٹفنگ نا پڑو ءِ کرینو وخت اس کہ بنجائی وزیر جان جوڑی عامر کیانی ملازم آتے باوری ترفینے کہ پنچ باسکی کمیٹی اوفتا غٹ خواست آتا جاچ ءِ ہلسا اودے گڈیکو دروشم اس ایتک۔ جمعہ نادے آ وزیر جان جوڑی عامر محمو دکیانی پمز ہسپتال اٹی ہڑتال آ پیرامیڈیکل اسٹاف آن تران کرسا پارے کہ بورڈ آف گورنرز نا منظوری نا عمل مسودہ نا تیاری آن پد مریک۔ اوبرانز کروک آ غٹ معطل ملازم آتا دمدستی بحالی نا پرمان ترسا پارے کہ پمز پاکستان نا غٹ آن گچین ءُ ادارہ اسے، دانا ملازم آک سکون اٹ مریرہ تو ناجوڑ آتے گچین درمان نا آسراتی دوبننگ کیک۔
