اسلام آباد۔ 22 فروری (اے پی پی) بنجائی وزیر ڈٹ بندی ، شونداری و اصلاحات و شماریات مخدوم خسرو بختیار پارینے کہ کورنگ دریا و راول لیک آن لس کاریم اٹ اتنگ کن دیر ءِ کاریم اٹ اتنگک ہراکچٹ مننگ نا سوب شاری تے چندی ناجوڑی تتون مون تروک مریک، ہنداخاطران حکومت کن کورنگ و راول لیک انا ودوک آ کچٹی اسہ بھلو ویل اسے ہرادے توننگ نا گرج ءِ۔ داخیال آتا درشانی ءِ تدوک آ دے سی ڈی ڈبلیو پی نا دیوان آن تران کرسا کرے۔ دیوان اٹی وزارت داخلہ و حکومت پنجاب نا کنڈآن کورنگ دریا و راول لیک اسلام آباد اٹی تموک آ گندہ انگا دیر انا سفائی کن 4سیوریج ٹریٹمنٹ پلانٹ و تعلقدار سیوریج سسٹم نا جوڑ کننگ کن 3518 ملین روپئی نا خڑچ انا ڈٹ اس پیش کرے ہرادے مستی منظوری کن ایکنک آ مون تننگانے۔
