اسلام آباد۔ 21 فروری (اے پی پی) صدر مملکت ڈاکٹر عارف علوی ءَ گوشت کہ وانگ ءُُ زانگ ءِ دیمروئی ءُُ گریبی ءَ را ھلاس کنگ بیت کنت، جھلی تبک ءِ مردم آنی زبھری چاگردی دیمروئی ءَ کلیتی بستار ءَ دار ایت، السی ازمت ءُُ چاگردی گہبود ءَ چہ گواچنی وشی در جنگ بیت کنت، کمو دیمروئی کنوکیں جھلی تبک ءِ مردم آنی وشھال ءُُ آسودگی مئے سیم سر بہ بنت، گہبودی ادارگ چاگردی ادارگ چاگردی دیمروئی ءِ واستہ ارزشتیں ایں کرد ءِ پیلو کنگ ءَ انت۔ پنچ شمبے ءِ روچ ءَ نیشنل لائبریری اسلام آباد ءَ ایس پی او ءِ 25سال ءِ سرجم بوھگ ءِ پد ءَ مراگش ءَ گوں گشتانک دیان ءَ کت ، آئی ءَ گوشت کہ الس آناں جوانیں وانگ ءُُ زانگ ءِ پجاری ءُُ دیمروئی ءُُ وشھالی ءِ واستہ گامگیج لائک ءِ ستا ءُُ توسیپی انت۔ استیں حکومت ءَ جان سلامتی ءُُ وانگ ءُُ زانگ ءِ سر ءَ ھاسیں دلگوشی کتگ۔ مزن وزیر عمران خان ءَ ھیراتی کار آنی تہ ءَ سک باز کرد پیلو کتگ۔ وانگ ءُُ زانگ ءِ دیمروئی ءَ چہ گریبی یے ھلاسی بوت کنت۔ جان سلامتی ءِ شوبگ ءَ بازیں ادارگ ءُُ مردم آں ارزشتی ایں کرد پیلو کنگ ءَ انت۔ آئی ءَ گوشت کہ گریبی ءِ ھلاسی ءِ واستہ چین ءِ تجروبت آں چہ سیت زورگ بیت کنت، چینءَ جان سلامت ءُُ وانگ ءُُ زانگ ءِ پڑ ءَ ھاسیں دلگوشی کنان ءَ گریبی ءِ ھلاسی کت۔
